Danir hafa tekið upp búrkubann til að sporna á móti áhrifum Íslam í landinu. Íslenska þjóðfylkingin óskar Danska þjóðarflokknum til hamingju með þennan áfanga enda var flokkurinn sá eini í Danmörku sem hafði þetta á stefnuskrá sinni lengi vel. Þjóðfylkingin hefur haft búrkubann ásamt banni við byggingu mosku á Íslandi á stefnuskrá sinni síðan flokkurinn var stofnaður árið 2016.

NEI! ESB, úr EES og Schengen

Flokkurinn berst líka hatrammlega gegn inngöngu í ESB – EES samningnum og Schengen. Þessi stefna endurspeglar þjóðhollustu flokksins sem er á skjön við alþjóðahyggju góða fólksins sem berst hart gegn fullveldi Íslands og hefur gert kröfu um að landamæri okkar séu opin fyrir jafnt sem glæpalýð sem og efnahagshælisleitendum sem eiga ekkert erindi hingað til lands á kostnað íslenskra skattgreiðenda. Eins og allir vita bera vinstrimenn ekkert skinbragð á fjármál og halda að skattar séu fundið fé.

Forgangsröðum í þágu Íslendinga

Íslenska þjóðfylkingin ætlar að forgangsraða skattfé Íslendinga í þágu Íslendinga. Það eru hátt í 1000 Íslendingar á götunni eða í óöruggu húsnæði á Íslandi meðan hælisleitendur fá öruggt þak yfir höfuðið (og vasapening) við komuna til landsins og eru hátt í 600 til 1000 hælisleitendur með húsnæði meðan nánast jafn margir landar okkar sofa í tjöldum eða undir trjám í Öskjuhlíð eða annarstaðar. Íslenska þjóðfylkingin stendur við stefnu sína og hefur og mun ekki hvika frá henni. Hún er í hnotskurn að láta Íslendinga ganga fyrir í húsnæði, berjast gegn peningaöflunum, hrægömmum,  sem hafa yfirtekið fjármálakerfið og hafa stolið íbúðum þúsunda Íslendina frá hruni í boði Vinstri grænna og reyndar allra gömlu flokkanna. Þeir eru við það að kaupa upp landið. Að ekki sé minnst á baráttuna gegn tvímenningu sem felst í undirgefni gegn ofbeldisfullum og kvenfjandsamlegum boðskap Íslam og hann nái skjóta hér varanlegum rótum á Íslandi.

Við teystum þjóðinni til að taka ákvörðun um það sjálf hvers konar þjóðfélag við viljum. Þess vegna er mikilvægt að innleiða þjóðaratkvæðagreiðslur hér á landi. Þessi stefna vekur hræðslu hjá góða fólkinu og þess vegna hatast það við Íslensku þjóðfylkinguna.

Núverandi stjórnarskrá er góð og gild

Þjóðfylkingin styður núverandi stjórnarskrá en það má bæta hana með ákvæði um þjóðaratkvæðagreiðslur og stjórnlagadómstól sem allir Íslendingar geta leitað til telji þeir að sett lög eða lagaákvæði brjóti í bága við stjórnarskrá.

Share This