Það er greinilegt að góða fólkið hefur náð tangarhaldi á umræðunni í skólum landsmanna. Það sýnir vel hversu bláeygðir menn hafa verið fyrir áróðri fólks sem kallar sig lýðræðissinna og tala fyrir opinni umræðu og stjórnsýslu innan skólanna að ungur maður, formaður Samtaka íslenskra framhaldsskólanema var settur af fyrir að vekja máls og umræðu á kynjafræðslu innan framhaldsskólanna. Davíð Snær Jónsson – gagnrýndi – og var vikið til hliðar sem formanni Samtaka íslenskra framhaldsskólanema af meirihluta stjórnar SÍF sem er fáheyrt. Davíð var kosinn á aðalfundi og því hefur stjórn samtakanna ekkert umboð eða vald til að setja formanninn af. Það er enn eitt dæmið um hvernig rétttrúnaðar fólkið vinnur. Þetta er alveg í anda fasismans. Aðrar skoðanir skulu ekki liðnar!

Íslenska þjóðfylkingin styður þennan unga mann  til að viðra sínar eigin skoðanir á vettvangi lýðræðisins.

Það er ánægjulegt að ungt fólk sé farið að átta sig á þeirri skoðanakúgun sem góða fólkið ástundar í þessu landi og ennþá ánægjulegra að þessi ungi maður skuli standa upp í hárinu á þessu liði. Vonandi fær hann fleira ungt fólk til liðs við sig, því ekki veitir af að mynda mótvægi gegn þeim einhliða áróðri sem haldið er að ungu fólki í grunn- og framhaldsskólum landsins.

Share This