Í kvöld var formaður utanríkismálanefndar, sjálfstæðiskonan Áslaug Arna grillmeistari og rauðvíns aðdáandi með meiru, í Kastljósi RÚV þar sem hún fór á kostum við að slátra því litla fylgi sem Sjálfstæðisflokkurinn hefur enn. Andmælandi hennar var formaður Miðflokksins sem stóð sig afspyrnu vel í rökum gegn málflutningi ungfrú Áslaugar. Málflutningur ungfrúarinnar var á köflum reyfarakenndur enda talar hún gegn betri vitund og hver veit nema að hún og restin af ólánsamri forystu Sjálfstæðisflokksins hafi hagsmuna að gæta? Staðreyndin er hins vegar sú að mjög margir gamlir og traustir sjálfstæðismenn eru að yfirgefa flokkinn og líklega mun herra Bjarni, herra Guðlaugur Þór, ungfrú Reykfjörð og ungfrú Áslaug eiga erfitt með að finna sér vinnu eftir næstu kosningar eins og svo margir gamlir þingmenn og konur hafa átt í erfiðleikum með eftir að hafa dottið út af þingi, eftir að grasrótin hefur rekið þau í prófkjöri. En svo er það spurningin þorir þetta fólk í prófkjör? Mun það ekki bara sjá til þess að því verði stillt upp? Eða dúkkar það næst upp í vinnu í Brussel?

Ef þjóðin getur ekki teyst þessum þingmönnum – hvernig geta þá vinnuveitendur treyst því? Nema auðvitað að þeir fari í vinnu hjá erlendum orkufyrirtækjum? Annað eins hefur nú gerst eins og með gamla sveitarstjórnarmenn sem töluðu með álfyrirtækjum í sínum fjórðungi og fengu svo æviráðningu  hjá álfyrirtæki eftir á.

Nú þurfa kjósendur að sjá til þess að herra Bjarni, ungfrú Reykfjörð, ungfrú Áslaug og herra Guðlaugur fái ráðningu út ævina eftir að þau  hafa samþykkt stjórnarskrábrotið sem kallast 3. orkupakki ESB.

Við í Íslensku þjóðfylkingunni ætlum að hirða fylgið og láta svo kné fylgja kviði gagnvart EES og ESB. Þjóðfylkingin er eini hægri flokkurinn á Íslandi og arftaki gamla Sjálfstæðisflokksins. Takmark okkar er að standa vörð um vinnandi  launamenn, standa vörð um sjálfstæðið og fullveldið. En við viðurkennum fúslega sameiginlega ábyrgð sem felst í því að tryggja eldriborgurum áhyggjulaust ævi kvöld, að þeir sem hafa orðið fyrir örorku geti lifað af lífeyri, að allir eigi rétt til menntunar, allir eigi rétt á læknisþjónustu. Helst ókeypis.

Við krefjumst þess að auðlindir eins og rafmagn sé á lágmarks kostnaði fyrir heimilin og auðlindirnar og landið sé ætíð í eigu þjóðarinnar. Sjálfstæðisflokkurinn er á leiðinni í sögulegt lágmark í næstu kosningum. Það verður milljón dollara mynd hjá þeim sem nær andlitsmynd af Bjarna, snobb dúkkunni sem er varaformaður, hrokafulla utanríkisráðherranum og glaseygðu formanni utanríkismálanefndar þegar þau detta út af þingi í næstu kosningum. Hvað segir Hatari í söng sínum sem allt er að trylla hér á landi. „Evrópa mun hrynja.“ Áður en það mun gerast mun Sjálfstæðistæðisflokkurinn hrynja.

Íslenska þjóðfylkingin mun rísa.

Share This