Píratar eru fúlir. Núna eru þeir sekir um hatursorðræðu og að smána virðingu Alþingis en Píratar eru mjög duglegir við að smána virðingu Alþingis reglulega að margra mati, nema að mati þeirra sjálfra auðvitað. Dæmi um það er þegar fólk í þeirra röðum sendi skilaboð á alnetinu sem tekið var upp í erlendum fjölmiðlum um að á Íslandi sæti ríkisstjórn barnaníðinga. Og þeir voru svo bara voða hissa þegar fundið var að því.

Annað dæmi er Þingvallafundurinn frægi þar sem Píratar ákváðu á síðustu stundu að sniðganga vegna þess að þeim líkaði ekki að danskir þingmenn sendu Piu Kjærsgaard, forseta danska þingsins sem fulltrúa sinn til Íslands á afmæli Alþingis. Pírötum líkar ekki við að aðrir taki ákvarðanir fyrir sjálfan sig. Þeir vilja vilja nefnilega hafa vit fyrir öllum öðrum. Ef aðrir gagnrýna það þá er það annað hvort misskilningur, rasismi eða haturs umræða.

Þórhildur Sunna Ævarsdóttir var fundin sek af siðanefnd Alþings um rógburð í garð annars þingmanns og brjóta þar með siðareglur Alþingis. Eitthvað sem setur þingmenn Pírata í mikið uppnám -telji þeir að aðrir hafi brotið þær reglur. Þingmenn vinstri flokkanna á Alþingi eiga það sameiginlegt að fá tilfinningalegt áfall reglulega yfir als konar – og flest af því reynist ímyndanir í þeirra eigin hugarheimi.

Nú er Pírati fundin sekur um siðleysi í garð annars þingmanns og allur þingflokkur Pírata er í tilfinningalegu sjokki. Það á nefnilega ekki að gilda það sama um þá og aðra.

Það eru ekki nýjar fréttir. Þórhildur kórnónar svo vitleysuna í sjálfum sér með þessum orðum í viðtali við RÚV: „Þórhildur svaraði því til að hún hefði engan sakað um lögbrot heldur eingöngu sagt að það væri rökstuddur grunur til að hefja rannsókn á því hvort brot hefði átt sér stað.  Þótt rökstuddur grunur væri í vissum tilfellum lögfræðifræðilegt hugtak tilheyrði það ekki lögfræðinni.“

„Ég er bara að tala sem venjuleg manneskja sem talar við venjulegt fólk án þess að ætla að ræna skynsömu orðafari.“ Eins og flestir vita, og þessi kostulega athugasemd sýnir, eru hugmyndir Pírata mjög brenglaðar þegar kemur að að lýsingarorðinu „skynsemi“.

Líkt og Píratar virðast hafa brenglaða hugmynd um hvað og hvenær ofbeldi er ofbeldi eða hvað orðið „ofbeldi“ þýðir. Með þessari gagnrýni fylgir mynd af Þórhildi Sunnu með húfu með orðunum FO eða Fokk Ofbeldi. Mjög sorglegt.

Venjulegt fólk sér í gegnum svona morfísæfingar þingmannsins Þórhildar Sunnu Ævarsdóttur.

Share This