„Þjóðernishyggja lifir ágætis lífi hér á landi,“ segir Eiríkur Bergmann helsta málpípa ESB sinna hér á landi.„Jú, það er sko rétt, Eiríkur Bergamann,“ segir formaður ÍÞ

Það er merkileg grein á RÚV skrifuð af Jóhanni Hlíðari Harðarsyni, þar sem hann leitar enn og aftur í smiðju Brussel, NO BORDERS  sérfræðings stofnunarinnar Eiríks Bergmanns, til þess eins að gera gys  að flokkum sem hann kallar þjóðernisflokka.  Slíkt hjal er dálítið aumkunarvert, en sýnir einungis hver grunnhyggni þessa aðila er.

Stöndum vörð um eigin tungu.

Að standa vörð um eigin tungu, menningu og grunngildi þau sem gert hafa þjóðina að því sem hún er, og vilja ekki láta eyðileggja, misbjóða og vanvirða þann ávinning sem foreldrum og forfeðrum okkar hefur áunnist, við að gera þetta þjóðfélag að einu því eftirsóknaverðasta á jarðarkringlunni er heiður en ekki skömm, eins og Eiríkur Bergmann vill troða ofan í fólk. 

Flokkar sem aðhyllast föðurlandsstefnu, geta verið frjálslyndir, þó svo að þeir séu ekki opnir í báða enda.  Felst frjálslyndið í að upphefja skoðanir vissra en fleygja sínum eigin? Felst frjálslyndið í algjörri meðvirkni? Felst frjálslyndið í  skoðanakúgun eins og landinn hefur upplifað eða pólitískri rétthugsun? Skoðanakúgun á málfrelsið?

Ágætt er að benda á dóma nýfallna í Hæstarétti þvert á skoðanir Eiríks og meðbræðra …. Að vera frjálslyndur er ekki, að virða skoðanir annarra og fleygja sínum. Það væri meðvirkni á háu stigi. Nei, þú stendur vörð um þína menningu og lífshætti, eins og innflytjendur gera þegar þeir koma til annarra landa, þá halda þeir uppá sína menningu án þess að gera tilkall til að landið sem tekur á móti þeim hendi sínum. 

Þetta kallast að hafa rætur, sem að sjálfsögðu  frjálshyggjufasistarnir skilja ekki. Íslenska þjóðfylkingin skilur þennan grunn, sem öll lýðræðisríki byggja á, en hallast ekki undir stefnu þessara svo nefndu frjálshyggjufasista, sem aðhyllast stefnu No Borders, Soros og Brussel, sem vilja eyðingu þjóðlanda.  Þess vegna kemur Íslensku þjóðfylkingunni til með að vegna vel á komandi árum.

Stöndum saman gegn frjálshyggjufasismanum

Hér vísar blaðamaður í að orsökin sé að það séu svo margir sem eru í raun fylgjandi þessari stefnu innan annarra flokka „en sé haldið til hliðar“.  Það er örugglega rétt ályktað, enda hefur hatursáróður frjálshyggjufasistanna orsakað það, að ekki hefur mátt ræða þessi vandamál opinberlega, öðruvísi en að fá á sig rasista stimpil og því læðist það fólk / föðurlandsvinir með veggjum. Því ofbeldisfasisminn keyrir málfrelsið og skoðanafrelsið niður. 

Íslenska þjóðfylkingin var eini flokkurinn sem stóð vaktina og varaði við nýju útlendingalögunum og fékk á sig í heild sinni að við væru rasistar.  En viti menn, flest það sem varað var við hefur þegar komið fram og hefur því miður forsendur til að versna með tilliti til þróunar annarra landa Evrópu. Við erum jú nokkrum árum á eftir verði ekki gripið inn í  þessa arfavitlausu löggjöf. 

Land sem virðir ekki sín eigin landamæri eða landsmenn á ekki langa lífdaga. Þess vegna þarf að bregðast við og það gerir Íslenska þjóðfylkingin, því erfitt mun reynast fyrir þá flokka sem stóðu að vanskapnaðnum ( útlendingarlögunum sem hefur ekkert með fólk að gera per se;  heldur lagasetningu ) að viðurkenna verknaðinn. Að vera gestrisin og bjóða fólk velkomið, þýðir ekki að vera með buxurnar á hælunum. Íslendingar þurfa að njóta virðingar og það gera þeir einungis með því að standa með eigin menningu.

Íslenska þjóðfylkingin er að ná vopnum sínum aftur, þó svo að illa hafi farið í síðustu kosningum enda flokkurinn nýstofnaður og varð fyrir árás. Hver svo sem greiddi þá götu? 

Íslenska þjóðfylkingin hefur pólitískar skoðanir og hugmyndafræði, það sem aðrir flokkar virðast hafa glatað í endalausu miðjumoði og eru komnir langt frá grunn hugmyndum sínum, enda altalað á milli manna að illa sé þeim treystandi.  Ef samkvæmt skilgreiningu Eiríks Bergmanns, sé rétt að Íslenska þjóðfylkingin sé þjóðernisflokkur, eru þá hinir flokkarnir landráðaflokkar? Skemmtileg hugsun eða þannig.

Íslenska þjóðfylkingin býður öllum landsmönnum hvers uppruna þeir eiga, að hugsa málið og spyrja sig hvernig landi þeir vilja búa í.  Þá þarf Íslenska þjóðfylkingin ekki að hafa áhyggjur af fylgi, því við erum fyrir fólkið, sjálfstæði þjóðarinnar og skoðanafrelsi…

Guðmundur Karl Þorleifsson, formaður Íslensku þjóðfylkingarinnar.

Share This