Þorgerður Katrín, stundum kölluð kúlulána drottning og formaður Viðreisnar, en hún var sökuð um spillingu í kjölfar hrunsins, sagðist óttast Þjóðfylkinguna í viðtali við RÚV í morgun. Þar hélt þessi umdeildi formaður Viðreisnar áfram hræðsluáróðri um það sem ætti að gerast ef við segðum okkur frá EES samningnum og Þjóðfylkingin hefur einn flokka á stefnuskrá sinni að segja upp. Í máli hennar kveður við sömu „bullyrðingarnar“ og áður um að hér fari allt á hliðina og má helst skilja á máli hennar og hennar líkum að flugstöðin í Keflavík verði eins og draugabær þar sem vindur gnauðar um tóma ganga og grotnandi tómar flugvélar standi á brautunum ef Ísland slítur fjötra EES.

Það er ekki síður vegna þeirra staðreyndar að hingað hafa sótt skipulagðir erlendir glæpahópar og að mansal hefur skotið hér rótum sem Þjóðfylkingin krefst endurskoðunar á samningnum og  vill segja upp Schengen samningnum. Þvert á það sem flokkur eins og Viðreisn vill en Viðreisn vill frekar að Íslendingar liggi enn frekar flatir fyrir erlendu valdi og framselji enn frekar fullveldi landsins til erlends auðvalds og ESB. Auðvaldssinnar og ESB sinnar eins og formaður Viðreisnar eiga það til að grípa til slagorða og frasa eins og „einangrunarhyggja“ og „efnahagshrun“ í ömurlegum og ósönnum hræðsluáróðri þegar EES samninginn ber á góma.  Hugur þeirra og umhyggja fyrir íslenskri þjóð sést best í því hvernig þeir berjast á hæl og hnakka til að fá því framgengt að orkupakki 3 verði innleiddur hér á landi því þeir vita að það kemur Íslandi enn meir undir hæl Brussel.

Það er gott ef verkuleikafirrtir stjórnmálamenn á borð við Þorgerði Katrínu óttist heiðarlegan og ákveðin málflutning og stefnu Þjóðfylkingarinnar. Þá erum við á réttri leið. 

Hér er slóð á umfjöllun visir.is um hræðslu Þorgerðar við Íþ. 

Share This