Verkalýðsforingin Ragnar Þór hefur ekki hikað við að sýna fjármála auðvaldinu að hann er að vinna fyrir fólkið í landinu en ekki blóðsugurnar sem ráða fjármálakerfinu á Íslandi. Ragnar á hrós skilið fyrir að beita sér fyrir því að það fólk sem skipað var í góðri trú sem fulltrúar VR í lífeyrissjóð VR sé rekið fyrir að bregðast trúnaði og skildum sínum við sjóðsfélaga og hækka vexti að eigin geðþótta, þrátt fyrir vaxtalækkun Seðlabanka Íslands, á þá félaga sem eru með lán hjá sjóðnum.

Eins og við var að búast rísa peningablóðsugurnar upp á afturlappirnar svo sem eins og ríka og spillta fólkið í stjórnmálaflokknum Viðreisn og fordæma VR fyrir að nota sjálfsagðan rétt sinn til að skipta um fólk í stjórn lífeyrissjóðsins. Í þessu sambandi er hinu handónýta og spillta fjármálaeftirliti beitt fyrir vagninn sem er með upphrópanir um að þessi gjörningur VR sé ólöglegur.

Íslenska þjóðfylkingin fagnar þessum nýju vinnubrögðum VR og styður þau heilshugar.

Share This