Verkuleikafirring og spilling vinstrimeirihlutans í Reykjavík tekur á sig ýmsar myndir. Skattheimtan í Reykjavík er í hæstu hæðum og enn skal bæta í. Frægt er orðið hvernig spillt borgarstjórn vinstrimanna hefur sólundað peningum borgarbúa eins og þeir vaxi á (pálma)trjánum. Þar ber braggamálið hæst þar sem margir telja að peningum hafi hreinlega verið ausið úr borgarsjóði á óeðlilegan máta, þ.e. hreinlega teknir ófrjálsi hendi. Annað mál er pálmatréð sem pakka á inn í glerhýsi svo það eigi möguleika á að lifa í íslenskri veðráttu og kostar borgarbúa 100 milljónir. Aðrir segja verkefnið vonlaust og tréð muni drepast strax og það vetrar. 100 milljónir fyrir dautt pálmatré – geri aðrir betur!

Undanfarin ár hefur vinstrimeirihlutinn, með spillingar prinsinn Dag B. Eggertsson í broddi fylkingar, unnið hörðum höndum að því að tefja fyrir umferð í Reykjavík með þrengingum gatna og götum hálf lokað fyrir bílaumferð. Umferðarhnútar hafa myndast og fólk er nú klukkutíma og hálfan að komast úr Hlíðunum niður í Nauthólsvík á morgnana og þaðan af lengur niður í miðbæ. Þetta hefur gerst undir stjórn vinstrimanna í borginni síðustu ár.

 

Nú hefur þetta fólk fengið þá snilldar hugmynd að leggja á nýjan skatt! Tafaskatt á bíleigendur. Þetta er nefnilega bíleigendum að kenna, umferðartafirnar og mengunin sem hlýst af hægari umferð vegna þrenginga gatna og lokana.

Hvernig vinstrimenn hafa stjórnað borginni undanfarin ár sannar að kenningin um að vinstrimenn kunni ekki að stjórna og hvað þá að þeir kunni að fara með skattpeninga er sönn. Það kann heldur ekki góðri lukku að stýra að Pírati er settur yfir samgöngu –og skipulagsráð borgarinnar. Þeir eru anarkistar og nærast á skipulagsleysi og glundroða. það er óhætt að segja að þeim hefur tekist vel til að  heimfæra hugmyndafræði sína upp á umferðina í Reykjavík.

Vinstrimeirihluti í borginni er búin að sitja of lengi. Það er komin að tími til að hleypa öðrum að.

Share This