Dagur verkalýðsins, 1. maí.

Ávarp formanns Íslensku þjóðfylkingarinnar.

Íslenska þjóðfylkingin sendir öllum landsmönnum baráttukveðju í tilefni dagsins.  1. maí er  og á að vera hugleikin öllum þeim sem annt er um mannréttindi og jöfnuð í samfélagi okkar.

Íslenska þjóðfylkingin hafnar nútíma þrælahaldi með innflutningi á ódýru vinnuafli, til þess eins að moka auðnum undir fáa útvalda.

Íslenska þjóðfylkingin krefst þess að lámarkslaun verði 300.000 kr, þau verði skattlaus og skerðingar króna á móti krónu á aukatekjum öryrkja og aldraðra verði aflagðar.

Einnig mótmælir Íslenska þjóðfylkingin áformum ríkisstjórnar Íslands, sem hafa það að leiðarljósi að halda áfram skerðingum á framfærslu þeirra sem minna mega sín.

Íslenska þjóðfylkingin skorar á verkalýðsleiðtoga að standa í lappirnar og krefjast réttmætra launa, vera óhrædd við að setja inn ákvæði í samninga sem taka mið af launaskriði þeirra sjálftökustétta sem mismuna samfélaginu.

Íslenska þóðfylkingin krefst þess að hafist verði handa til verndar minni og meðalstórra fyrirtækja.

Íslenska þjóðfylkingin krefst tafarlausrar úrbóta á lóðaskorti sveitafélaganna og þeim verði skylt að útvega lóðir á kosnaðarverði.  Fjármálastofnanir verði einnig skyldaðar til að koma á viðunandi  fyrirkomulagi lána fyrir þá sem hyggjast ráðast í kaup eða byggingaframkvæmdir á húsnæði til eigin afnota.

Það er komin tími til að Íslenska þjóðin standi saman gegn ósanngjörnu auðvaldskerfi sem lítur á þegna samfélagsins sem þræla sína.

„Íslenska þjóðfylk­ingin ályktar að örygg­is­mál þjóðar­innar séu í ólestri. Mesta hættan að innra öryggi ríkisins er hryðju­verka­ógnin sem vofir yfir Evrópu­ríkjum um þessar mundir og um ófyrir­séða framtíð og er Ísland þar ekki undan­skilið. Bregð­ast þarf við á tvenn­an hátt. Annars vegar að efla lög­gæslu með því að fullmanna lögregluna og Land­helgis­gæsluna. Hins vegar með stofnun heima­varnar­liðs eða öryggis­sveita. Þess er krafist af öflugasta ríki NATÓ að aðildarríki axli ábyrgð á eigin öryggi og hafa flest aðildar­ríki heitið að leggja meira fram til sameigin­legra varna. Núver­andi ríkis­stjórn þegir þunnu hljóði um þetta mikil­væga þjóðar­öryggismál en það gerir Íslenska þjóðfylkingin ekki og krefst þess að farið verði í þetta af fullri alvöru og samkvæmt skyldum fullvalda ríkis.“

Ný stjórn Íslensku þjóðfylkingarinnar sem kjörin var á landsfundi 2. apríl síðastliðin fundaði í kvöld. Guðmundur Þorleifsson sem kosin var nýr formaður stýrði fundi og nýr ritari flokksins, Sverrir Jóhann Sverrisson, ritaði fundargerð. Farið var í gegnum ályktanir sem landsfundur samþykkti. Landsfundur ályktaði meðal annars að flokkurinn skyldi bjóða fram í Reykjavík og ræddi stjórnin helstu atriði sem þarf að byrja að undirbúa fyrir framboð í næstu borgarstjórnarkosningum. Fjórir flokkstjórnarmenn voru fjarverandi í kvöld af ýmsum ástæðum. Góður andi og sóknarhugur ríkti á fundinum enda Íslenska þjóðfylkingin í sóknarhug.