Misnotkun vinstrimanna á Ríkisútvarpinu er vel merkjanleg þessa daganna. Hvernig þeir nota fjölmiðilinn í þágu áróðurs sem þeir telja réttmætur. Mörgum er alveg ljóst hvernig stofnuninni var beitt gegn fjölmiðlalögunum á þeim tíma og hvernig stofnuninn tók sér stöðu gegn þjóðinni en með ríkisstjórn kommúnista og sósíalista í Icesave-málinu og áróðurs um að alþýðu þessa lands bæri að borga skuldir annarra. Í þessum málum, og eflaust er hægt að telja upp fleiri, var lævíslega hamrað á ákveðnum áróðri og endurtekningum til þess að reyna að heilaþvo almenning og snúa skoðunum fólks á sveif með því sem vinstrimenn og góða fólkið töldu réttast. Það tókst í fjölmiðlamálinu þar sem almenningur snérist á endanum gegn ríkisstjórn Davíðs Oddsonnar en með auðmönnum sem höfðu og hafa að mörgu leiti ennþá tögl og haldir á fjölmiðlamarkaði hér á landi. Hins vegar tóks það ekki í Icesave-málinu og líklega vegna þess að fjölmiðlun og frjálsskoðanaskipti voru þá og eru komin mikið á netið. Annað mál sem rekið hefur verið hart af Ríkisútvarpinu er að telja almenningi trú um að opin landamæri séu eðlileg og að annað sé mannvonska og rasismi. Það sé eðlilegt að íslenskar fjölskyldur víki úr húsnæði sínu til að rýma fyrir fólki sem dettur í hug að koma hingað og lýsa því yfir að það sé hælisleitandi.
Þessari stefnu og hugmyndafræði hefur Ríkisútvarpið unnið að í mörg ár. Þar hefur stofnunin tekið þann pól í hæðina að reka áróðurinn og heilaþvottinn í gegnum barnatíma fjölmiðilsins. Það minnir óneytanlega á hvernig Nazisminn beindi spjótum sínum að ungviðinu og ól það upp í að hugmyndafræði hans væri rétt og eðlileg. Sömu aðferðir tók STASI upp í ríki kommúnista í Austur þýskalandi að fyrirmynd Sovétríkjanna. Nú virðist mörgum sem Ríkisútvarpið endurnýti þessar ógeðfeldu aðferðir.
En nú er Ríkisútvarpið og vinstrimenn komnir í annan ham. Það ætlar að kenna okkur að tala rétt. Skyndilega virðist orðið sem Íslendingar hafa notað um ákveðið land, Hvíta-Rússland, orðið ótækt í huga góða fólksins á vinstri kantinum. Kannski er það orð rasískt vegna þess að allt hvítt er skyndilega orðið vont í huga þessa fólks. Nú skal segja „Bela-rúss“ eða eitthvað í þá áttina. Í öllum fréttatímum eru vinstri fréttamennirnir farnir að hamra á orðinu „Bela-rúss“! Og hinir málhöltu kollegar þeirra á Bylgjunni og Stöð2 eru farnir að taka undir þessa vitleysu. Eða kannski er það bara það sem er að? Þetta lið á Ríkisútvarpinu, Bylgjunni og Stöð2 er bara svona málhalt að það „stígur ekki í málið“? Annað orð sem þetta málhalta lið rembist líka við að breyta í málnotkun þjóðarinnar er orðið „allir“ sem það vill núna að breytist í „öll“.
Hvað sem því líður er íslenskan nú komin í kjaft Ríkisútvarpsins sem ætlar að nota mátt sinn og meginn til að innræta okkur vonda fólkinu rétt málfar. Meðan sósíalistarnir og kommúnistarnir ráða för á þessum öflugasta fjölmiðli landsins mun þetta ástand bara halda áfram að versna og þeir færa sig ennfrekar upp á skaftið.
Þeir hafa komist upp með að segja fulltúra eigenda stofnunarinnar, ráðherranum, að halda kjafti, þegar ráðherrann bað um ákveðnar upplýsingar og þeir hafa komist upp með að brjóta lög sem gilda um Ríkisútvarpið. Og það merkilega er að áfram halda bleyðurnar í Sjálfstæðisflokknum og framsókn á þingi að verðlauna sósíalistanna og kommúnnistana á Ríkisútvarpinu með enn hærri fjárframlögum úr vasa skattgreiðenda.
Er ekki komin tími til að almenningur taki sig til og segi þeim að halda kjafti og þessi stofnun verði lögð niður áður en Ríkisútvarpið fremur frekari skemmdir á íslensku samfélagi og tungu?