Könnun sem Gallup gerði  frá ágúst til september sýnir svo ekki verður um villst að Íslendingar vilja ekki sjá ágang íslam á Íslandi. Þetta kemur okkur í Þjóðfylkingunni ekki á óvart. Þjóðfylkingin er eini flokkurinn á Íslandi sem hefur það sem eitt að megin markmiðum sínum að berjast á móti uppgangi íslam hér á landi og hefur mjög ákveðið á stefnuskrá sinni að banna byggingu moska hér á landi. 

Múslimum fjölgar hratt á Íslandi og frá 1998 hefur þeim fjölgað úr 78 skráðum í 1.447 og eru nú komnir upp í að vera 0,4% af þjóðinni. 

Reynsla annarra þjóða er að þegar fjölgun múslima hefur náð ákveðnu marki byrja þeir að verða til verulegra vandræða með kröfum um að heimamenn fari að aðlaga sig að þeirra siðum og nú þegar hafa borist fréttir annað slagið af kröfum þeirra í þá átt s.s. með breyttu mataræði í mötuneytum grunnskóla og meira segja hafa borist fréttir úr mötuneyti hjálparsamtaka þar sem múslimar hafa kvartað yfir því að svínakjöt sé á boðstólnum og vilja láta taka það af matseðli sín vegna.

Það kemur ekki á óvart að þeir sem hlynntastir eru útbreiðslu íslam hér á landi eru vinstrimenn og kjósendur þeirra, Vinstri grænna og Samfylkingar.

Það vekur athygli að mikil andstaða er líka meðal íslendinga sem segjast vera trúlausir.

Morgunblaðið í morgun greinir nánar frá könnunni á bls. 10 í blaðinu.

Share This