Nú er ástandið sem hefur verið viðvarandi á Norðurlöndum í áratugi að raungerast hér á Íslandi. Við þessu ástandi höfum við í Íslensku þjóðfylkingunni varað og stofnuðum flokkinn meðal annars til að berjast á móti. Þetta er ástandið sem stjórnmálamenn í gömlu fjórflokkunum sögðu að myndi aldrei verða hér á Íslandi þó svo að verið væri að hleypa hér inn svo kölluðum flóttamönnum án þess að yfirvöld vissu nokkur deili á þeim.

Svo langt hefur barnaskapurinn gengið og meðvirkni þingmanna úr fjórflokknum að albönum sem vísað var úr landi (samkvæmt lögum sem þingmenn sjálfir samþykktu) voru sendir passar í pósti. Það gerðist eftir að þingmenn gerðu í buxurnar af hræðslu við umfjöllun og djöfulgang fjölmiðla eins og RÚV-hyskisins, sósíalistana á Fréttablaðinu og fréttastofu Stöðvar2.

Gamli fjórflokkurinn hefur allur sem einn verið í því að framkvæma stefnu um opin landanamæri með það að markmiði að koma hér á fjölmenningu sem er í óþökk þjóðarinnar. Sú stefna er ekkert annað en fámenningarstefna þar sem markmiðið virðist vera að skapa það ástand að hér búi margar þjóðir hver með sína menningu sem mun á endanum leiða til reglulegra menningarárekstra. Frægt er þegar Framsókn stóð fyrir því að taka hér við albönskum flóttamönnum þegar þeir voru í ríkisstjórn með Sjálfstæðismönnum. Þeir voru ferjaðir hingað og lenti flugvél með þá á Reykjavíkurflugvelli. Í ljós kom að ýmis konar búnaður var í farangri þeirra sem ekki þykir sjálfsagt að hafa með sér í okkar menningu svo sem haglabyssur. Þetta var afsakað með því að þetta væri jú þeirra menning!

Þetta er fólkið sem ber ábyrgð á því ástandi sem hér er á góðri leið með að skjóta endanlega rótum í samfélagi okkar. Það er skipulögð glæpastarfsemi erlendra glæpahópa sem þegar eru farnir að drepa hverja aðra fyrir opnum tjöldum. Smjörþefinn fengu Íslendingar þegar þessi glæpalýður barðist með hnífum innan um almenning á Laugaveginum fyrir ekki svo löngu. Allir sem lýstu áhyggjum af þessum atburði og voguðu sér að benda á að hér væri hópur glæpamanna á ferð sem hingað hefði komið sem  hælisleitendur voru úthrópaðir „rasistar“. Og þar drógu fjölmiðlar ekki af sér.

Hér eru líka að myndast gengi ungra manna, innflytjenda. Þetta segir okkur fólk sem býr í Breiðholtinu. Íbúar á þeim slóðum eru farnir að kalla sitt nánasta umhverfi „Ghetto“ vegna fjölda útlendinga sem þar býr og þeir óttast. Nýlegt dæmi um þetta er þegar tveimur gengjum sem að stórum hluta eru skipuð ungum erlendum karlmönnum laust saman við verslunarmiðstöð í Breiðholti.

Gamli fjórflokkurinn ásamt Viðreisn og Pírötum bera ábyrgð á uppgangi erlendra glæpahópa hér á landi. Ábyrgðina bera líka hryðjuverkasamtökin NO BORDERS sem staðið hafa fyrir öfbeldisfullum aðgerðum gegn lögreglu ásamt hælisleitendum, meðal annars á Austurvelli. Hér hefur mansal líka skotið rótum fyrir tilstilli EES samningsins og Schengen aðildar. 

Rauði krossinn má líka skammast sín. Hjá þeim samtökum starfa fjölmargir lögfræðingar sem hafa atvinnu sína af því að tefja mál hælisleitenda í kerfinu eins og hægt er svo seinna verði hægt að fara með þau í fjölmiðla sem taka svo þátt í leikritinu sem ætlað er að pressa á ráðamenn um að fara ekki eftir lögum og reglum sem Alþingi hefur sjálft samþykkt og veita fólki hæli. Oft eins og áður segir án þess að vita raunveruleg deili á fólki. Og þeir sem borga Rauða krossinum og lögfræðingum þeirra fyrir lagaklækina erum við, skattgreiðendur. Í ofanálag fjármögnum við svo skrímslið RÚV sem tekur við keflinu ef Rauða krossinum mistekst. Þá tekur RÚV við og aðrir fjölmiðlar og áróðursherferð er hafin til að snúa við ákvörðunum Útlendingastofnunnar.

Rauðagerðismálið er á ábyrgð þessa fólks.

Og mikil verður ábyrgð þessa fólks ef ekki verður hlustað á þá sem vara við. Ástandið á eftir að versna sé tekið mið af Norðurlöndunum.  

Við í Íslensku þjóðfylkingunni munum halda áfram að krefjast þess að hætt sé að taka við hælisleitendum, að Ísland segi sig úr Schengen og að EES verði endurskoðað með það að markmiði að gera EES að fríverslunarsamning eins og ætlunin var í upphafi að hann yrði.

Við munum halda áfram að krefjast þess að þjóðaratkvæðagreiðslur verði settar í stjórnarskrá og að hér verði komið á stjórnlagadómstól. Þetta mun gera það að verkum að íslenskur almenningur mun geta haft taumhald á landsölu liðinu á Alþingi.

Áfram Ísland!

Share This