Dómsmálaráðherra ætlar gegn barnabrúðkaupi og skipulagðri glæpastarfsemi. Miðað við viðbrögð vinstri elítunnar í Danmörku við aðgerðum Inger Støjberg ráðherra innflytjendamála gegn barnabrúðkaupi verður fróðlegt að sjá hver viðbrögð vinstri elítunnar á Íslandi verða við tillögum Áslaugar Örnu Sigurbjörnsdóttur þar sem brúðkaup sem tíðkast víða í íslam þar sem stúlkubörn eru gift gömlum körlum eru gerð ógild hér á landi.

Inger Støjberg reyndi að setja reglur um þetta í Danmörku, sem miðuðu að því að aðskilja stúlkubarn frá „eiginmanni“, en hún var hrakin úr embætti og verður dregin fyrir landsdóm. Ekki nóg með að Áslaug Arna vilji gera sitt til að sporna gegn mansali og barnabrúðum heldur hefur hún tilkynnt að átak verði gert í að uppræta skipulagða erlenda glæpastarfsemi hér á landi. Slíkt hlýtur að hljóma illa í eyrum vinstri manna sem vilja hafa landamæri hérlendis galopin öllum sem vilja hingað koma. Engum má snúa við. Líklegt er að Píratar og liðsmenn Vinstri grænna fari að snúa hugmyndum ráðherrans upp í rasisma. Formaður eins stjórnmálaflokksins hér á landi hafði áhyggjur af því að kórónaveiran kæmi hingað í gegnum landamærin og vildi loka þeim og lýsti þeirri skoðun sinni í viðtali í Kastljósi í RÚV. Fréttamaður RÚV og spyrjandi snéri slíkum yfirlýsingum strax upp í þjóðrembu. Nú er að koma í ljós að þessi stjórnmálakona hafði rétt fyrir sér. Hertar aðgerðir á landamærum eru að skila okkur eðlilegu lífi aftur.

Íslendingar ættu að yfirfæra þessa nálgun á skipulagða erlenda glæpastarfsemi hér á landi. Komum í veg fyrir að veiran, glæpamennirnir, komist inn í landið. Vísum þeim burt á landamærunum og vísum þeim strax úr landi verðum við þess áskynja að þeir séu komnir inn. Lögreglan hefur marg lýst því yfir að hún viti hvar þessir hópar halda sig. Af hverju eru þeir þá ekki strax settir í járn og fluttir rakleiðis úr landi?

Svarið er að öfga vinstrið stendur gegn því. Píratar, Vinstri græn, Samfylkyngin og Viðreisn er þar ekki langt undan.

Þessi nýja öfgafulla kynslóð vinstri manna sem sífellt er í geðrofi alla daga yfir öllum sköpuðum hlut hlýtur að láta í sér heyra gegn hugmyndum Áslaugar Örnu. Þau munu vísa til mannréttinda þegar kemur að umræðu um þessi mál. En eins og komið hefur fram í þeirra málflutningi eru Íslendingar sjálfir ekki með nein slík réttindi séu þeir á öndverðum meiði við öfga vinstrið.

Það ástand sem skapast hefur hér á landi er að öllu leiti á ábyrgð fjórflokksins, hryðjuverkasamtakanna NO BORDERS og fleiri samtaka. Ekki síður má skrifa ástandið á reikning Schengen og EES samningsins sem eru afsprengi daðurs vinstri manna við ESB.

Íslenska þjóðfylkingin er mótvægi gegn hugmyndum vinstri manna um opin landamæri og krefst þess að teknar verði upp hertar aðgerðir á landamærunum gegn erlendum mönnum ef upplýsingar gefa til kynna að viðkomandi sé tengdur skipulagðri glæpastarfsemi og að hælisleitendum verði haldið á landamærum meðan fundið er út hverjir þeir eru og hvort þeir eigi rétt á umfjöllun um mál sitt hérlendis.

Annars verði þeim snúið við innan 48 klukkustunda.

Share This